Jan van der Croon-Ieëremedalie 2012

Will Knapen kreeg in ‘t jubileumjaor vanne Knoup de ieëremedalie uutgereiktj.

 

– Will, dae de Pinmaekers uut Ni-jwieërt vuuërging as preens in 1969?

 

– De mân dae inne periode van 1970-1972 Vorst woor van V.V. de Pinmaekers?

 

– De mân dae vanaaf zien 15e as buuttereedner oppe plênk stieët?

 

– De buutreedner dae Limburgs kampioen woort in 1988, 1990 en 2005?

 

– De mân dae in 1982 as Nederlands Buutte-kampioen woort uitgerope?

 

– Hae, dae tot lid inne orde van Oranje Nassau és beneumdj?

 

– De mân dae ieëre-börger és vanne gemeindje Ni-jwieërt?

 

– De persoeën, dae de Orde vanne Pinmaekers 1999/2000 mocht ontvânge?

 

– De mân dae zich jaorelânk verdeenstelik hieët gemaaktj oppe seniorenmiddig vanne Rogstaekers?

 

– Hae, dae de Ridder inne Orde vanne Rog kreeg uutgereiktj?

 

– De persoeën dae ouch bezûndjer lid és van carnavalsvereiniging De Piepkuûkes?

 

– Degieëne dae in 2005 és gepromovieërdj as Drs. Humoris Causa aanne Narren Universiteit Limburg (NUL)?

 

– De mân dae de börgemeister van Ni-jwieërt vanaaf 1990 óngerstuuëndj beej de sleuteloverdracht nao de Pinmaekerspreens?

 

– Will, ‘t besteurslid vanne Limburgse Vereiniging van Karnavalsartieste?

Jao, ve hebbe ‘t inderdaad over dae Will Knapen!