Peter Korten
Gruuëts es de Stichting Lambieck Knoup Wieërt um de Jan van der Croondrager 2018 te kunne prizzentieëre:
Peter Korten
Vör al zien verdeênste vör de Wieërter kultuur en samelaeving, ès de Jan van der Croon-ieëremedaalie tiedes de Lambieckaovundj op 5 fibberwari 2018 uutgereikt waere aan Peter Korten.
Een kleine en daomej onvolledige greep uut alle activiteite dae de nowwe Jan van der Croon-drager vör zien raekening nieëmjt:
Vanaaf 1995 és Peter in verschillendje bestuuërsfuncties betrokke bej Stichting de Aldenborgh Weert woeë hiae vanaaf 2002 vuuërzitter és. Dieës stichting és aangeslaote beej ´t Limburgs Geschied- en Oudheidkundig Genootschap (LGOG).
Ouch dao heet Peter 10 jaor een bestuuërsfunctie vervuldj, en zich beejveurbieëldj ouch as lid vanne Commissie Educatie verdeenstelik heet gemaaktj.
Daonaeve és Peter Korten vanaaf zien 15e lid van Schutterij St Barbara in Tungelder wao hae vanaaf 2001 vuuërzitter és.
Hae vervultj de rol van penningmeister beej de Stichting Provisius / St. Jozef, die sociaal maatschappelikke en culturele initiatieven en projecten in Wieërt en umgaeving ongersteuntj.
Ouch és Peter in 2016 beej de Orde van de Rode Leeuw beneumdj tot lid van het kapittel vör zien inzet beej de veering 750 jaor sacrementsprocessie in Luuëk en de bedevaarten nao Rome.
Verder vör ziene tomeloze inzet beej tal van sociale projecten binnen de Schutterswereldj.
En of det nog neet zat és maaktj Peter zich beej nog völ mieér instanties en vör diverse initiatieven verdeenstelik. Zo és hae vuuërzitter vanne Stichting Cultuur Historische Publicaties Weert en vuuërzitter vanne Stichting Weerter Publicaties. De nowwe Jan van der Croondrager és lid van verschillendje adviescommissies zoas Roerend Erfgoed en Beeldende Kunst van de gemeindje Wieërt. Hae és verder lid vanne ledenadviesraad van de KRO. Ouch és Peter initiator en coördinator van het Cultureel Historisch Zomerprogramma ‘Gluren bij de Buren’ en ´t samenwerkingsverbând met Geschied- en Heemkundevereniging het Land van Thorn.
Stiêpels
