Jan van der Croeën-Ieëremedalie 2020

Léon Stultiens

Op 16 november zal Stichting Lambieck Knoup Wieërt tieëdes de Lambieckaovendj de Jan van der Croeënmedalie uutreike aan ’nne mins met groeëte verdeenste vör ’t maatschappelik laeve in Wieërt. Vastelaovendjverendj Wieërt kintj dieëze mins as fervent lid van V.V. de Dorstvlieëgels, woe hae vanaaf de jaore stillekes (1968) lid van és. De minse deej de Boonte Aovendje in ’t verleeje hebbe bezochtj, weite det dieëze mins jaorelângk as regisseur verantwoerdelik és gewaesj vör de Boonte Aovendje vanne Rogstaekers.

Van 1999 wis 2016 woor hae vuuërzitter van LTC Ray-Prickers, ônger ânger verantwoerdelik vör ’t jaorelange succesvolle A**** toernooi en ‘t 75-jaorig jubileum. Vanaaf de jaore 90 es dieëze tennisser lid vanne baankemmissie vanne Ray-Prickers en hieët zich daonaeve jaorelângk verdeenstelik gemaaktj as ein vanne kértrekkers vanne Old-Timers van dieës tennisclub.

Wieëter és hae vanaaf daag 1 (2015) vuuërzitter van Samenloop voor Hoop – KWF Kankerbestrijding en vanaaf 2016 medeoprichter en sikretaris van Goede Doelen Collecte Wieërt – Wieërt Colletieërdj.

Oeëze Jan van der Croeëndrager 2020 és neemes minder as

Léon Stultiens