Jan Houben
Oeëze nôwwe Jan van der Croondrager és geboeëre in Ni-jwieërt. Dit Aan Vieftien nummerke 4 ofwaal de Moesemansstraot 12. Precieze datum woor 15 november 1953. In 1975 besloeët dieese mins van Pinmaeker um te schoeële nao Heiknuiter. Of det ut un intensieve umschoeëling és gewaesj of un kwestie van eindaags cursus és beej os neet bekindj, mer vae wieete waal det hae inmiddels good ingeburgerdj ésj inne saamelaeving van Altwieërthej. En ut beveltj um zoeë good det hae nao vieftig jaor nog stieëds inne Hej woeëntj en actief és. Oeëver weem hebbe vae ut dan. Vae hebbe ut oeëver
Jan Houben
En vör de minse di-j Jan Hoeben neet kinne, waat deut dae Jan Hoeben in zieëne vreeje tieëd, want achter de geraniums gaon zitte dao hieef hae geine tieed vör. Vae zölle és gaon beginne met de opsomming en gaon un poging doon um volledig te zeen in dieës opsomming.
Jan Hoeben és ein vanne oprichters van Hermen-j van ut Heilig Hart, en es naeve jaore actief lid, ruum 40 jaor zelfs vuuërzitter van dieës Hermeni-j gewaesj.
Hae es 33 jaor spuuëler oppe Boonte Aovendj vanne Heiknuiters, en hieef in dieës periode de Boonte Aovendj op zich opnôw ingerichtj. Dit virus van spuuelër inne Boonte Aovendj hieef hae vervolgus doeërgegaeve aan zieëne zoeën Willem, dae heej zieën beroep van hieef gemaaktj en spuuëler és inne Boonte Aovendj vanne stad.
Jan zitj al ruum 10 jaor inne organisatie vanne Avond4Daagse, het wandelevenement van Wieërt, met schoeën wandelinge, schoeën locaaties, en cultuur langs de route, waat eeder jaor indj augustus gehaoje waerdj.
Hae és vreejwilliger gewaesj beej de renovatie bakhuisje Klein Karelke (bâkkes), ein van de aodste wuuëninge van Altwieerthej. Beej de renovatie és de oeëve gemaaktj volgus de werkwieëze van dae tiêd. Um vervolgus ouch de authentieke vlaaj te bakke van vreuger…
Jan és vreejwilliger beej de basisschoeël Kinjer-OLS. Beej de basisschoeël Kinjer-OLS maake de wichterkes vanne basisschoeël kinnis met de schötterswaereldj en de beejbehuuërendje cultuur. De daelneemendje basisschoeële presentieere zich tiedus de optocht aan ut pebliek, en op de schötterswej strij-je ze tiedus unne scheetwedstrieed. Winnaar moog ´t Ummelke mej nao hoeës neeme. Det és neet ut einige waat hae oppe basisschoeël deut, ouch metspuuële met ut schoeëlorkest.
Hae és bestuurslid van het kerkbestuur van de Heilig Hartkerk en vreejwilliger van ut ongerhoud van ut kerkhof, waat d’r dan ouch altieed schoeën beej ligktj.
Zeen vae d’r dan doeërhaer waat Jan allemaol deut, bekans mer nog neet hieëlemaol. Hae gaeftj as vreejwilliger vanuut Veilig Verkieer Nederland dode-hoek lessen aan basisschoeële. Dan maaktj hae wichter bewusj vanne gevaore roondum unne vrachtwaage. Det unne vrachtwaagechauffeur neet op alle plekke fietsers en passanten kan zeen vanuut zien cabine.
En as leste, és Jan mer eine kieer Zwerte Piet gewaesj weej zieëne zoeën klein woor, mer es hae baeter bekindj as de Sinterklaos van Altwieërthej, waat hae geruume tieed heet gedaon.
Namus Stichting Lambieckknoup Wieërt, alle Aod Jan van der Croondragers, wille
vae uch fillisitieere en veenge vae dejjae dit dik verdeentj hetj.
Stiêpels
