Mark Bouwmans
7 December és de daâg vanne vreejwilliger. Vae zette op dieëze daâg ‘ne persoeën in ’t zunke dae zich maatschappelik, sociaal en/of cultureel verdeenstelik hieët gemaaktj. Vae zeen gruuëts um oeëze nowwe Jan van der Croeëndrager aan uch vuuër te stelle
Mark Bouwmans
Mark és vanaaf de oprichting, 38 jaor gelieëje, actief lid beej v.v. de Wiepkes. Hae és ein vanne lede van dieës vereîniging dae ’t bekîndje Wiepkesbal organisieërdje inne Poort van Limburg.
Vanaaf 1997 tot 2019 woor Mark lid van v.v. de Rogstaekers as besteurslid en hae zoot in verschillendje commissies. Mark woor mede organisator van de Gulden Humor en in 1998 de LVK finale dae toen in Wieërt (sporthal Bosseve) woor.
Inne periode van 2014 t/m 2016 hieët hae zich ingezatte vör ‘t Toon Hermans Huis um “De Theatershow” oppe plénk te zette.
Mark hieët altiêd intensief same gewêrktj mét Veldeke Wieërt, en organisieërdje in 2016 vör ‘t 90 jaorig bestaon van Veldeke Wieërt de dialectshow “Belaeftj kefee Veldeke”.
In 2019 schrieëf hae de theatershow “Körstmes in Wieërt”. Beej de musicals “de Rogstaekerslegende”, “Graaf van Horne” (ter ieëre van 600 jaar Wieërt) en “Antje van de Statie” woor Mark nauw betrokke en schrieëf de tekste in ’t Wieërter dialect. ’T dialectverhaol van Juul de Kwakkert keumtj van ziene hând, en vae moge zieëker neet de ontelbare (vastelaovendj)lidjes vergaete die Mark geschrieëve hieët.
Mark gae hetj dieëze titel mieër as verdeentj.