Ieëre-Lambieck 2007

erelambieck2007_1

Wéthaojer Janssen
van de Gemeindje Maaseik

Vör de dêrdje kieër inne geschiedenis vanne Ieëre-Lambieck ging dieëze Lambieck mej nao Bêls-Limburg. Hae woort uutgereiktj aan wéthaojer Janssen vanne gemeindje Maaseik.

Mevraw Janssen verkieërdje in good gezelschap vanne vastelaovendjvereinging ’t Heilig Wammes (Ieëre Lambieck winnaar in 1991) en noom de Ieëre-Lambieck in e verkânsie-sfeertje in ontvangst.

Waat waas d’r in Mezeik gebuuërdj ?
In opdracht vanne gemeindje Maaseik woort d’r ’n loeëteri-j georganizieërdj in samewêrking mét de winkeleers van Maaseik. De drökkeri-j haajdaobeej ’ne kostbare blunder gemaaktj.

‘t Bedriêf haaj namelik loeëte gemaaktj vor ’t wînkelend publiek in Maaseik. Doeër e foutje was van eîn înkel loeët, tachtig exemplare gedröktj. De hoeëfdpriês, ’ne reischeque van 250 euro, veel precies op dit eine loeët. “Ineins krege vae tientalle gelökkige hoeëfdpriêswinnaars oeëver de vloer”, aldus wéthaojer Janssen. De stad hieët vervolges alle winnaars op reis gesteurdj. Köste ruum 16.000,- euro.