Winnaars Gouwe Zulvere en Broonze Lambieck 1987

GOUD

Hans Beesems
en de Gemeindje Wieërt

De accu van ziene wage leep te rap lieëg. Zoeëj det kunne ligke aanne verleechting in ziene kofferbak? Det zoeëj neteurlik kunne mer waat doje dan as dejje wiltj kontrolieëre of det leecht blieftj börre as dae kofferbak tów és? Waat ve uch wille mejgaeve és dejje dan vörâl neet ‘t vuuërbieëldj van oeëze brandweercommandânt Hans Beesems motj volge. Hae kreeg ‘t vör mekaar um zichzelf op te sloête inne kofferbak van ziene eige wage tiêdes zoeë´n controle.

Vör ‘t ieërst inne Lambieckgeschiedenis woort d´r ‘ne twieëdje Gouwe Lambieck uutgereiktj. Waat haaj de gemeindje Wieërt vör e prachtig besloêt genoeëme? Binne de gemeindje Wieërt koste echtpare inne zoeëmermaondje neet mieër trawwe. Woeërum? Umdet de ambtenare dan mét verkânsie wore. Kân ‘t nog gekker?

Ir. Paul Rincker

As directeur vanne aafdaeling Groondwêrkbedriêf vanne gemeindje Wieërt woor Paul ouch vuuërzitter van ‘t stumbureau. En as dejje uch verslaoptj oppe daâg vanne verkeezinge, woeëdoeër ’t stumbureau pas ‘n oor later geoeëpendj kân waere, hejje ‘ne Zulvere Lambieck herstikke dik verdeendj.

ZULVER

BROONS

Cis Smeets (baeter bekindj as
Cis de Kapper)
en de Óngernemersvereiniging Wieërt

Ouch woorte dit jaor twieë Broonze Lambieckwinnaars bekindj gemaaktj. De ieërste woor Cis de Kapper dae, nao ‘nen daâg fietse en ‘t aansloêtendj bezeuk aan ‘t heilig huuske, veel. Heejdoeër móste allebej de erm vanne kapper waeke lang inne gips. En laotj det noow nêrges vör noeëdig te zeen gewaesj, zoeë bleek achteraaf uut óngerzeuk…

Ge zeetj óngernemer of ge zeetj ‘t neet! En dan kujje ‘t oeëver de zin of onzin vanne koupzoondig hebbe. Mer as dejje as besteur vanne middestandsvereiniging ‘ne koupzoondig vuuër de Sinterklaos vergaetj in te plenne, kojje waal vör ‘n Lambieck in aanmerking…