Archief
Ieëre-Lambieck

Stadsvastelaovendjvereiniging D’n Uul

Tiêdes ‘t 1 x 11 jaorig jubileum vanne Lambieck Knoup woort vör de ieërste kieër ‘ne Ieëre Lambieck tówgekintj vör ’n kolderieke prestatie boete Wieërt.

Vör dieës gelaegenheid kwoom börgemeister Daniëls uut Remundj mét de Stadsvastelaovendjvereiniging D’n Uul uut Remundj nao kefee ‘t Anker in Wieërt. Det kwoom umdet D’n Uul in ‘t naojaor van 1989 uut de Remundjse Samenwêrking mét vastelaovendj waas gestaptj en mocht daorum in 1990 neet aanwieëzig zeen beej de installâtie vanne 11 Preense van Remundj.

En di-j installâtie gebuuërdje nota bene doeër Börgemeister Daniëls inne Oranjerie, uutgeraekendj ‘t peliês vanne Stadsvastelaovendjvereiniging D’n Uul.