Archief
Ieëre-Lambieck

‘t Heilig Wammes

Vör ’t ieërst belandje oeëze Ieëre Lambieck in Bêls- Limburg.

De Ieëre Lambieck van 1991 woort uutgereiktj aan ‘t Heilig Wammes uut Maaseik. De Preens van dit eerbiedwaardig Mezeikse Vastelaovendjgezelschap mos in 1990, op vastelaovendjdieënsdig, mét hölp vanne brandweer van Maaseik uut béd gehaaldj waere.

Op ’t memênt det de Dorstlöstige Hoeëgheid tal van verplichtinge haaj, sleep hae nao e nachtje doeërfieëste as Doornroosje, de slaop der onschöldjige.

Uuteindelik blieëk zelfs de inzét vanne brandweer mét laejerwaage noeëdzakelik um de Preens wakker te kriêge. ‘t Vastelaovendjgezelschap ‘t Heilig Wammes waas komplieët mét de Preens van 1990 en verklédj mét brandweerhelme op oeëze Lambieckaovendj prezênt um de óngerscheî-jing in ontvangst te neme.