Archief
Ieëre-Lambieck

Wéthaojer Keijmis
(Gemeindje Mestreecht)

Precies 10 jaor gelieëje ging de Ieëre Lambieck mej nao ‘t Zuide van Limburg en noow 10 jaor later gieët hae opnów nao ‘t deepe Zuide van Limburg, dits kieër nao Mestreecht.

Inne zoeëmer van 2003 loog ‘t Vriêthof oeëpe umdet d’r ‘n nów parkieërgaraasj gebawdj woort enne bestraoting woort vernoetj. Beej de indaeling vanne Vriêthof woort raekening gehaoje mét alle festiviteite di-j d’r doeër ‘t jaor op dit plein waere gehaoje.
Zoeë és d’r edere wîntjer e wîntjerfestijn, komplieët mét iêsbaan en reuzeraâd. Vör dit reuzeraâd wore speciaal pilaore inne parkieërgaraasj gebawdj, umdet zoeë ‘n gevaarte toch hieël wat kilo’s weugtj. Daobeej weurtj, as ‘t raâd drejtj de drök oppe(oonger)groond allein mer groeëter.

Ze wiste dus precies woeë ‘t reuzeraâd mos kome te staon. Allein, wi-j ‘t raâd in december 2003 woort opgebawdj, bleek ‘t 65 centimaeter te völ opzi-j te staon. ‘t Raad stong dus neet oppe piêlers, mer zjuust d’rnaeve. Det kos hieël groeëte gevôlge hebbe vör de daakconstructie vanne parkieërgaraasj. ‘t Hieël gevaorte mós dus waere aafgebroke en di-j befaamdje 65 centimaeter opgeschoeëve waere. Dit alles veel oonger verantwoeërdelikheid van dhr. Keijmis.

Um wéthaojer Keijmis moreel te óngerstuuëne, kwome d’r 6 lede vanne Stadvastelaovendjvereiniging de Tempeleers mej nao de Lambieckaovendj.