Archief
Ieëre-Lambieck

Wéthaojer Wilms
(Gemeindje Maasbracht).

Dit jaor ging de Ieëre- Lambieck nao Maasbracht en woort uutgereiktj aan dhr. Wilms, wéthaojer vanne gemeindje Maasbracht.

De voetbalclub Brachterbeek vanne gemeindje Maasbracht hieët namelik 40 jaor op ’n hoeëfdvêldj gespuuëldj woeëvan de aafmaetinge neet blieëke te kloppe. Al vieërtig jaor woor d’r edere zoondigmiddig braaf op gevoetbaldj. Geine spits dae klaagdje te snêl vör de gaol te zeen. Geine boetespeuler dae mopperdje oeëver te völ ruumdje.

Beej tówvâl kwoom de gemeindje Maasbracht d’r achter det ‘t hoeëfdvêldj 4 maeter korter en drej maeter brejjer waas as inne regels vuuërgeschreve. En dus kwoom wéthaojer Wilms, in ‘t beejzeen van völ lede en ‘t besteur vanne voetbalclub, de Ieëre Lambieck, in ’n drök bezochtj buurtcentrum Moêzel in ontvangst neme.