Archief
Ieëre-Lambieck

Jean-Pierre Vandalon uit Munstergeleen

Tiêdes oeës 3 x 11 jubileumjaor hebbe vae ouch wieër ‘ne Ieëre Lambieck kunne strikke. De Ieëre Lambieck és nao Munstergelaen gegânge, inne persoeën van Jean-Pierre Vandalon.

Mét ’n, zoeë-as hae ’t zelf neumtj, fascinatie vör iêzere objecte en ‘vrieëmdje dînger’ twiêfeldje Jean-Pierre gein memênt wi-j hae ‘t zoog ligke. ’ne Dröppelvormige massieve bâl mét ’n doeërsnieëj van 25 centimaeter. De bâl loog gewoeën oppe straot beej ’n bawlokatie in Eindhove.

Jean Pierre bedacht zich gein memênt en hae noom ‘t vuuërwêrp mej nao hoês. Hij zoog ’t al hieëlemaol vuuër zich, wi-j dieëze dröppelvormige bâl good tot zie recht zooj kaome op ’ne sokkel. Wi-j hae zien nów aanwinst leet zeen aanne klânte van zien kapperszaak, woort ‘m vertéldj det ’t um ’n bom zoeëj gaon.

Inne volle oeëvertuûging det ’t wat mét de bouw te make mos hebbe, hieët Jean-Pierre zien aanwinst nog ’s laote blutse. Noow és dudelik det dae prachtige bâl, ’n clusterbom uut 1939 és.

Laesj ‘t artikel uut de gezét doeër >> heej << te klikke.