Ieëre-Lambieck
Waat és de Ieëre-Lambieck?
De Lambieck Knoup reiktj naeve de Gouwe, Zulvere en Broonze Lambieck, nog
’ne Lambieck uut en det és de “Ieëre- Lambieck”. De Ieëre-Lambieck woort
uutgereiktj vör ’n stom streêk di-j zich boete de gemeindje-grenze van
Wieërt en Ni-jwieërt hieët aafgespeuldj, mer waal binne de provincie
Limburg. Dit kinne zoeëwaal ‘stom streêk’uut Nederlands as Bêls
Limburg zeen en di-j hebbe zoeëwaal de Limburgse as de landelike pörs gehaaldj.
De Ieëre-Lambieck woort neet jaorliks uutgereiktj, mer eder uutreiking és
e fieëstje. De genominieërdje boete de Wieërter gemeindjegrenze brînge
altiêd e groeët, gezellig en dék e boont gekluuërdj gezelschap mej nao
de Lambieckaovendj. Zoeë hebbe vae in ‘t verleeje al diverse Preense,
Vastelaovendjvereiniginge, gezelschappe en vereîniginge uut umliggendje
wîndjstreke moge ontvânge. Dieës minse gaeve de Lambieckaovendj, naeve
de komst van de genominieërdje, ’n exstra fieëstelik tîntje mét dieës
zelf mejgebrachtdje artiest(en), buutreedner, danwaal zelf mejgebrachtj
meziekgezelschap.
Wéjjae e leuk vuuërvâl det zich boete Wieërt mer binne Limburg hieët
aafgespeuldj en wildje dit mét os daele ? Steurtj os dan ’ne mail…,
vae huuëre de “strom streêk” gaer.
Vuuërstel
vör de Ere-Lambieck
