Lambieck Aovendj Archief

Herman Linskens
(Herman van de Piependje Pörsj)

Tiêdes de Lambieckaovendj van 1985 woort de Jan van der Croeën-ieëremedalie uutgereiktj aan Herman Linskens oftewaal Herman vanne Piependje Pörs, di-j jaorelânk vör de Wieërter vastelaovendj hieët klaorgestânge.

Hae drökdje in zien drökkeri-j aanne Paradiêsstraot ontélbaar affiches vör de Rogstaekers en verzörgdje en produsieërdje jaorliks de Rogstaekersgezét.

Naeve de Rogstaekers, kos ouch ‘t vereinigingslaeve e beroop op Herman doon. ‘t Drökwêrk det ontélbaar optochtgroepe op zoondig naeve de optochtroute uutdaeldje kwoom mieëstâl uut de drökkeri-j van Herman (dit woort dan ouch nog ‘s vör priêze geleverdj woeëmej waarschiênlik ‘t papeer nog neet betaaldj kos waere).

As optochtdaelnemer hieët hae mét ‘t duo ‘Herman en Jos (Smeets)’ plaatselike roem verwôrve.