Lambieck Aovendj Archief

Jan Lenaerts

De Jan van der Croeën-ieëremedalie és aan Jan Lenaerts uutgereiktj vör âl zien wêrk vör de Wieërter vastelaovendj oppe achtergroond. As lid van vastelaovendjvereiniging De Rogstaekers stong Jan altiêd klaor vör de Boonte Aovend-artieste en as begeleider vanne Rogstaekerspreens.

Jan goof, vanuut zien jaorelang ervaring, vörâl preense, adjudânte en aojers vanne Jeugdpreense goje raod. Binne de organizasie vanne jaorlikse Boonte Aovendje vanne Rogstaekers woor Jan de stuuën, tówverlaot en loesterendj oeër vör de artieste.

En tiêdes de Boonte Aovendje stong Jan altiêd tösse de coulisse um attribute vör de artieste klaor te zétte of aan te gaeve en te zörge vör snel decorwisselinge. Jan Lenaerts és ‘t prototype van dae stille, vör ’t groeëte publiek vreejwaal onbekindje vreejwilliger oppe achtergroond, dae noeëts in ’t leecht vanne schiênwerpers stieët, mer soonger ziene inzét völ dînger minder soepel zoeëje verloupe.