Lambieck Aovendj Archief

Jeanne Ebus-Boonen

Dit jaor woort de Jan van der Croeën-ieëremedalie, vör de twieëdje kieër inne Lambieck- geschiedenis, uutgereiktj aan ’n vraw en waal aan Jeanne Ebus-Boonen.

Jeanne vanne Poort, wi-j ederein eur kintj, stuuëndje jaorelânk hieël völ Wieërter vereiniginge in stilte.

Clubs en vereiniginge krege altiêd alle hölp en stuuën van Jeanne. Zeuj stéldje eur horecabedriêf jaorliks ouch hieëlemaol beschikbaar vör alle evenemênte di-j mét de Wieërter vastelaovendj te make haaje. Daobeej zat Jeanne zich aktief in vör ‘ne kwalitatief sterkere horeca in Wieërt.