Lambieck Aovendj Archief

Jan Salmans en Jac Salmans

In 2005 woorte tiêdes de Lambieckaovendj beej hoeëg uitzóngering twieë Jan van der Croeën-ieëremedalies uutgereiktj.

Det jaor gînge de ieëremedalies nao de breurs Jan en Jac Salmans.

Jan woor al 35 jaor actief vör de buurtvereiniging Bosseverbieëk en maakdje zich verdeenstelik binne de wiêkraod roontelum de kazerne van Wieërt. Jaorelânk kollektieërdje hae vör gehendikepdje en woor hae aktief bawwer van optochtwages vör Moêzel.

Jac és 11 jaor as Vorst ’t boegbieëldj van vastelaovendjvereiniging de Vêrkusköp gewaesj. Daonaeve woor hae 15 jaor besteurslid van de voetbalvereiniging FC Oda en maakdje Jac zich verdeenstelik binne de organizâsie van ’t kiene in buurtcentrum Moêzel.