Lambieck Aovendj Archief

Jan Tullemans

Jan Tullemans kreeg de ieëremedalie vör zien enorm verdeenste vör de Wieërter samelaeving en promotie vanne Wieërter volkscultuur.

Jan woor jaorelânk vice-vuuërzitter van ‘t Wieërter Mannekoeër. Hae zong al oppe Boonte Aovendje inne Apollo. Wieter hieët Jan völ besteursfuncties beklédj, oonger ângere beej Stichting Kunstkrînk Wieërt, de Kunstuutlieën, en de Museumkemissie.

Jan woor jaore jurylid inne Rogstaekers-optocht en zoot ouch jaorelânk in ‘t besteur van ‘t Munttheater. Hae maakdje völ decors vör de Rogstaekers-operette, de Jan van der Croeën-operette en de musical Herfst.

Jan woor ontwêrper en schîlder van vastelaovendjwages, posters en decors vanne Boonte Aovendje. In 1963 hieët Jan de 1e kolderexpositie georganizeërdj, later de ‘Koldergaleri-j’ geneumdj, di-j jaorelânk oonger zien bezielendje leiding in ‘t vastelaovendjseizoên woort geopendj..