Lambieck Aovendj Archief

Bèr Tobben

In 2009 woort de Jan van der Croeën-ieëremedalie uutgereiktj aan Bèr Tobben, dae oonger ângere 40 jaor beej ’t Roeëje Kruis woor aangeslote en ouch al mieër as 15 jaor woor verboonge aanne Fakkelestafette.

Daonaeve haaj hae in ‘t schoolbesteur van basisschool Fatima gezaete en woor Bèr ouch besteurslid gewaesj van scouting St. Rumoldus op Fatima. Al mieër as 30 jaor woor hae aktief lid van ‘t Wieërter Mannekoeër.

Bèr woor ouch betrokke beej de oprichting van de Stichting Vreendje van ‘t Wieërter Mannenkoeër. Ouch woor hae ein vanne ieërste Vastelaovendjzêngers woeë hae nao 22 jaor woort beneumdj tot ieërelid.

En of det nog neet genog és, woor Bèr 11 jaor lid van V.V. de Rogstaekers, woeë hae 9 jaor ‘n besteursfunctie vervöldje. Wieter woor hae jaore aktief as vreejwilliger beej ‘t museum vanne kazerne (KMS).

Tot slot woor Bèr al jaore lid van de jury beej ‘t Aod Limburgs Schöttersfieëst (OLS) en és hae ouch nog altiêd lid vanne Senaat vanne Rogstaekers.