Lambieck Aovendj Archief

Wim Hendriks

In 2010 woort de Jan van der Croeën-ieëremedalie uutgereiktj aan Wim Hendriks.

Wim Hendriks woor mede-oprichter vanne Krubbebiêters en hieët 25 jaor de rol van vuuërzitter vervöldj en daonaeve ouch nog 25 jaor mejgeloupe inne optocht. In 1984 és Wim hieërser gewaesj vanne Schäöpkes as Landhieër Wim II.

Ouch hieët hae in ‘t comité gezaete det d’r vuuër hieët gezörgdj detter e Rogstaekersbieëldj oppe Mêrrentj stieët. Hae woor mede-oprichter en vuuërzitter van de Aod-Landhieëreclub en beheerder van ‘t gemeinschapshoês op Groenewoud.

Wieter és hae 21 jaor jurylid gewaesj van ‘t Doeërbiêterstoernooj en és hae mieër as 50 jaor lid van Wilhelmina ’08, woeëvan zeker 30 jaor as wédstriêdsikkretaris vanne jeugd.

Tot slot spuuëldje Wim de trombone beej Kepèl 0495, woeëvan hae ouch vuuërzitter woor.