Lambieck Aovendj Archief

Giel Bruijnaers


Moge vae de Jan van der Croeëndrager 2016 aan uch vuuërstelle?
Hae es geboeëre en getoeëge in Wieërt en maaktj zich al jaorelangk verdeenstelik as vri-jwilliger vör verschillendje vereiniginge in Ni-jwieërt.
Zoe es dieëze mins van 1981 wis 1989 vuuërzitter gewaesj van Kindervakansiewerk Ni-jwieërt.
Vanaaf 1992 es hae besteurslid vanne Hermeni-j St. Jozef in Ni-jwieërt, woeë-in hae vanaaf 2002 de rol van vuuërzitter op zich hieët genome.

Vanaaf daag ein (1987) es dieëze bevloeëge vereinigingmins ouch kontaktpersoeën vanne Kolderpin, ’n soeërt Jan van der Croeën mer dan net waat ângers.
Dae krieg-dje neet vör niks, zoeëvöl es zieker. Ut es dan ouch neet verwôngerlik det hae zich ouch Kolderpindrager (1996) moog neume.

As kabinetschef inne gemeindje Ni-jwieërt es hae ouch werkzaam as ambtenaar vanne börgerlikke stand in Ni-jwieërt.
En det es ouch, sinds jaor en daag, zien rol tiêdes ut boorebâl beej de Pinmaekers.
Daonaeve es hae al ruuëm 25 jaor betrokke beej de sluuëteloeëverdracht tiêdes ut vastelaovenjdsezoen beej de Pinmaekers, vanaaf 1997 as seremoniemeister.

Vae stelle aan uch vuuër:

Giel Bruijnaers, Jan van der Croeëndrager 2016!