Lambieckaovendj Archief

Mr. Stan Smeets

GOUD 1981

Mr. Stan Smeets haaj ziene pas beej de Amerikaanse ambassade ligke vör ’n visumaanvraog, wi-j dette op excursie nao Pruûses zoeëj gaon. Soonger pas de grens beej Pruuses oeëver in daen tiêd. Kân det? Jao, dacht Stan. Mét ’n kopie van ziene pas en ‘n doeër börgemeister Matti persuuënlik geschrieëve verklaoring det Stan, Stan woor, woort de grens beej Pruûses benaderdj.
Laotj dae douaneambtenaar noow gein boeëdschap hebbe aan ’n kopie van dae pas! Nog minder boeëdschap haaj dieëze ambtenaar aan de breef van börgemeister Matti. Sterker nog: dieëze mins haaj geîn benûl van weem börgemeister Matti woor! Dus kwoon d’r ’n indj aan de excursie beej de grens en kos Stan soonger pardon trök nao hoês lifte.

Thieu van Hoef

ZULVER 1981

In 1980 kwoom oeëze toenmalige wéthaojer mét ’n prachtige opmerking mét betrékking tot de parkieërgaraasj woeë de Wieërter börger vör ’t ieërst mós betale. ’t Zooj de gemeindje namelik neet gaon um de kas te spekke doeër parkieërgêldj te inne. Neîn, volges de wethaojer woor de gemeindje Wieërt parkieërgeldj gaon vraoge um uuteindelik eîn miljoen gûldje trök te kriêge vanne Belastingsdeenst!

VVV Wieërt

BROONS 1981

De Broonze Lambieck gong nao ‘t VVV. Nao jaorelang niks aan aktiviteite te hebbe georganizieërdj, kwaome ze uut de startblokke. De doeër de VVV georganizieërdje vergaderinge, krieëge mét tal van planne en ideeje mieër wég van ‘ne Boonte Aovendj.