Lambieckaovendj Archief

Jan Coenen

GOUD 1982

Toenmalig Vorst Jan Coenen woor eder jaor waeke, zoeë neet maondjelânk in taw vör de Wieërter vastelaovendj. Zien gedrieëvenheid en passie wêrkdje zoeë aanstaekelik dette doêzendje vastelaovendjveerders wis te enthousiasmieëre. Uutgeraekendj dieëze mins, ‘ne mins dae van top tot tieën betrokke woor beej de Wieërter vastelaovendj, woort geveldj doeër ‘ne zwaore griep.
Heejdoeër mós hae de vastelaovendjdaag van 1981 in béd doeërbrînge en bezörgdje hae Wieërt ‘ne Vorstloze vastelaovendj.

Ir. Piet Huiberts

ZULVER 1982

In 1981 woort de Emmasingel gereconstru-ieërdj. Tiêdes dit wêrk stoeëtdje de wêrkers op reste van ’n ieëuwe-aod bastion. ’t Woor Ir. Piet Huiberts, direkteur van de deenst stadsontwikkeling vanne gemeindje Wieërt, dae konkludieërdje det ’t heej um aoj stein gong. Ze haaje gein tot weinig historische waerde en koste daorum mer baeter zoeë snêl wi-j muuëgelik waere opgeruumdj. Det woor ’t deskundig oeërdael van de Zulvere Lambieckwinnaar.

t Wieërter Kwartaalcollectief en de
Kwaartjeslummels uut Bree

BROONS 1982

De Broonze Lambieck woort doeër twieë genominieërdje inne wacht gesleîptj. De ieërste broonze Lambieck woort uutgereiktj aan ‘t Wieërter Kwartaalcollectief. Zeuj haaje de bedoeling um eins per kwartaal ‘ne aovendj te organizieëre woeëbeej plaatselike gevalle op ‘n satirische meneer oppe hak genoeëme woorte. Doeër dieëze Kwartaalaovendj eîne kieër per jaor te prizzentieëre veel ’t collectief inne priêze.


De twieëdje Broonze Lambieck gong nao de Kwaartjeslummels uut Bree. Terwiêl dieës Kwaartjeslummels neet verbroederdj noch verzösterdj wore mét Wieërt, wiste zeuj toch e stökske Wieërt te anneksieëre. Wi-j ze det deeje? Doeër ‘n Bêlze/Breese ambassade in oeës vlaajestad te oeëpene!