Lambieckaovendj Archief

Lei de Borgie

GOUD 1983

Waat dooje asdejje as wéthaojer van Wieërt ‘n Chinese delegatie moogtj ontvânge? Oeëze toenmalig wéthaojer mocht e Chinees taofeltennisteam welkom heîte en woeëj det in ‘t Chinees doon. Dus haaj Lei zien towspraok van boete gelieërdj oonger ‘n dael geheim bezeukskes aan e Chinees restaurânt. Waat hae precies hieët gezagdj? Det kân allein de Chinees dae vör de vertaling hieët gezörgd uch zégke.

Ron Versteegh

ZULVER 1983

De Zulvere Lambieck és uutgereiktj vör ‘n stom streêk di-j zoeëwaal de regionaal, provinciaal as landelike pers haaj gehaaldj. Terwiêl hieël Wieërt gebuktj ging oonger ‘n échte hittegolf, prestieërdje de bawvereiniging ‘t um de verwerming in eur verheurdje wuuëninge te laote börre. De bawvereiniging, di-j alle media-aandacht neet kos waardieëre, wînsje de Lambieck dan ouch neet in ontvangst te neme. Daorum és, beej hoeëg uutzoongering, de priês uutgereiktj aan Ron, dae os de nominâsie haaj aangedrage.

De Wieërter Sportraod

BROONS 1983

De Wieërter Sportraod droog allein manne vuuër vör de vacânte functies binne ‘t sportorgaan, terwiêl d´r toch net zoeëvöl manne as vrouwe sporte. In di-jzelfdje waek woorte d´r ouch ‘n dael koffiedames gevraogdj vör ‘t besteur vanne Sportraod. Wi-jzoeë rollepatroeën beej uutstek? Noeëts gehuuërdj van emansipâsie?