Lambieckaovendj Archief

Mies Geraats

GOUD 1986

Mies Geraats lansieërdje as raodslid, tiêdes ‘n geheim vergadering vanne gemeindjeraod, ‘t vuuërstél um Tungelder en muuëgelik ouch Altwieërterhej aaf te staon aan Stramproy. Det op zich és al ‘n hieël stom streêk. Mer det hae det ouch nog ‘s inne openbaarheid via ‘n interview inne gezét herhaaldje, voonge vae écht ‘ne Gouwe Lambieck waerd!

Vastelaovendjvereniging De Rogstaekers

ZULVER 1986

Zégktj noow zelf, as dejje as vereiniging vergaetj um de börgemeister te nuuëje as dejje zjuust aan dae börgemeister ‘t ieërste eksemplaor vanne Wieërter Almanak wiltj aanbeeje, verdeendje toch ‘ne Zulvere Lambieck. Daobeej zördje de Rogstaekers d’r in dae Almanak ouch nog vör, um de zoeëmertiêd op 28 september 1986 te laote beginne.

‘t Uûle Kommando Team

BROONS 1986

‘n Dael lede vanne vastelaovendjvereiniging D’n Uul uut Remundj haaje zich umgeduîptj tot ‘t U.K.T., ‘t zoeëgenaamdje ´Uule Kommando Team.´ In dieës rol pleegdje ze tiêdes de Lambieckaovendj van 1985 ‘ne ludieke oeëverval. Ze kwome de gekidnapdje ´Uûle-borde´ trök hale en gove daomej bliêk van ‘t feit det, ondanks de óngerling ´herrie´ tösse Wieërt en Remundj, toch de humor hoeëg in ‘t vaandel blieftj staon.