Lambieckaovendj Archief

Gemeindjepliesie Wieërt

GOUD 1991

Nao aanleiding van ´n melding uut de buurt oeëver ´ne al daag lang geparkieërdje‘verdachdje wage’ woort doeër de gemeindjepliesie Wieërt óngerzeuk ingestéldj. De pliesie ging poste en uut di-j observasies koste zeuj al gaw achterhale det ‘t um ´ne eige pliesiewage ging. Neet zoeë´ne herkinbare, mer dieëze wage wore zeuj dus herstikke vergaete tiêdes ´n aksie inne straot. E schoeën detail: di-j aktie haaj 5 daag daovuuër al plaatsgevoonge.

Börgemeister Matti

ZULVER 1991

Börgemeister Matti woor stipt. Hieël êrg stipt en zoeë muuëgelik in dieëze ouch altiêd aeve konsekwênt. Aafspraok és aafspraok. Dus 23.00 oor és 23.00 oor en wurtj d´r gestoptj mét vergadere. Ouch as det beteîkentj det de gemeindjeraod vör de vuuërtzétting vanne raodsvergadering mot trökkaome op kêrmismaondjig! Zoeë gebuuërdje dus in 1990.

Kiwanisclub Wieërt

BROONS 1991

De Broonze Lambieckwinnaars haaje zieër verbolge aangifte gedaon van diefstal vanne doeër eur geplaatsje körstboum, dae e paar waeke oppe Merrentj haaj geproonktj. De boum, vörzeen van verleechting en ´n ster, leek vanne aerdboeëm te zeen verdwene. Ouch noow woeërt doeër de pliesie óngerzeuk ingestéldj. Heejuut bleek detter ´n ânger Kiwanislid ´n oor vuuër de aangifte, de körstboum haaj aafgeveurdj nao de stort.