Lambieckaovendj Archief

Lând van Wieërt

GOUD 1994

De Gouwe Lambieck ging nao ‘t Lând van Wieërt en woort doeër hoofdredacteur Henny Erkens in ontvangst genome. Dit blaâd kreeg ‘t in 1993 vör mekaar um de uutslaâg vanne Lambieckaovendj ´n waek te vreug in ‘t waekblaâd te plaatse. Zeuj haaje ‘t embargo oeëver de kop gezeen...

Jac van Lierop en Thieu Caris

ZULVER 1994

Jac en Thieu wore zoeë vreentelik um kiste te make vör ‘t verveure vanne pauke vanne Stedelike Hermeni-j Sint Anthoeënius. Wi-j de klus woor geklaordj stoonge d´r ´n dael schoeën, degelike kiste. Ze wore prachtig aafgewêrktj mét hookliêste, stoeëtkânte en mét de wiele d´r oonger ouch good te hantieëre...
Woor ‘t neet det ze zoeë ongekindj groeët wore uutgevalle det ze neet eins doeër ´n duuër vanne scheur koste, laotj staon doeër ‘n duuër van ‘n kefee of zaal

Adjudânte Rogstaekerspreens Eric I

BROONS 1994

Ve gaon trök nao ‘t vastelaovendjsezoên 1993 woeë-in Rogstaekerspreens Eric I de Wieërtenare vuuërging in ‘t volksfieëst. Det ging geweldjig tot ‘t memênt det zien adjudante hem vergaete wore mej te neme vanuut ´ne bâlaovendj vanne Schäöpkes. Det zoeëj nog neet zoeë hieël êrg zeen, mer ze kwome d´r pas achter wi-j ze al op ‘t volgendje fieëst stoonge!