Lambieckaovendj Archief

Jos Metsemakers

GOUD 1996

Aangekaome oppe verkânsiebestumming in Zuid-Frankr iêk, keumtj Jos d´r tot ziene schrik achter det hae zien portemenee és vergaete. Alles woort aafgezochtj soonger ‘t gewînsje resultaat en dus besloeët Jos trök nao Wieërt te ri-jje. Mer ouch dao woor niks te vînge. Trök in Zuid-Frankriêk nao ruum 3300 kilomaeter te hebbe gerieëje, woort de portemenee asnog inne caravan gevoonge, oppe plaats woeë Jos ´m pûntelik haaj wéggelagdj.

Jac Dreessen

ZULVER 1996

Nao ´nen daâg haard wêrke stóng d´r ´n moor van 8 maeter lânk en zoeë´n slordige 3.20 maeter hoeëg, bestaondje uut 4800 stein. Praktisch as hae és, haaj Jac geîne steiger noeëdig mer woort de klus geklaordj mét d’n heftruck, vörzeen van pallets as zeendje ´ne mobiele steiger. ‘t Sein ‘klus geklaordj’ volgdje op ‘t indj vanne daâg, woeë-op Jac mét de heftruck wégrieëj: neet achteruut mer vuuëruut, finaal doeër de nów moor.

Toos Dentener

BROONS 1996

De wage van Toos haaj startprobleme en dus vroog Toos zien buurmân um eure wage aan te sleîpe. Gein pûnt. Op ‘t memênt det de buurmân klaor woor um te sleîpe, besloot Toos de garaasj aaf te sloête. Dus dao ging ziene wage, soonger Toos. Resultaat? Ieërst ´ne slingerendje wage en vervolges ´ne ‘botsauto’ dae ´n dael ânger wages inne straot wat nów deuke bezörgdje.