Lambieckaovendj Archief

Liedeke Jenne

GOUD 1998

Liedeke vong det ze hieël good in staot woor um zelf verf te mînge. Ze haaj al dèk zat inne verfwînkel gezeen det dit mét e mesjien gebuuërdje. En wi-j doje det dan thoês? Dan stopdje ‘t blik verf in ´n centrifuge inne hoeëp det d’n déksel van ‘t blik d´r op blieftj zitte. Det woor in ‘t geval van Liedeke dus valse hoeëp... Mét as gevolg det de hieël badkamer blaw woor.

Anita Beelen

ZULVER 1998

Nao ´ne gezellige aovendj uut, vörzeen van ‘nen houp kommentaar op eur hândtas doeër eure mins Peter, goeszje Anita mét ´ne behuuërlike zwieper de rieëje van âl det kommentaar de Zuid-Willemsvaart in. Verlosj van ‘t aojerwétse hândtasje en verlosj van ‘t kommentaar en geplaog. Jaomer genog woor ‘t echtpaar Bieële ouch verlosj vanne hoêssluuëtels en de sluuëtels vanne wage.
Di-j zote nog in ‘t hândtasje...

Thea Hartholt

BROONS 1998

Thea haaj last van ziene rök. Wi-j ze snachs neet mieër kos slaope vanne pien, ging ze op zeuk nao tijgerbalsem om de pien tieëge te gaon. In slaopdroonke staot vong ze dieëze en behandeldje de pienlike plekke mét de spray. Achteraaf blieëk ‘t hieël geîne tijgerbalsem, mer anti-kattespray te zeen. Gratis gooje raod: wildje ruumdje in ´n drök gezelschap? Maaktj dan gebroêk van anti-kattespray.