Lambieckaovendj Archief

Margriet Poppelaars

GOUD 2004

Nao e bezeuk aanne braderie van Bosseve, woeë Margriet nao eige zégke wat wiebelig van trök kwoom, stóng hoond Dolly op eur te wachte. Dus ging Margriet innegang euren hoond uutlaote. Wi-j ze daovan trök kwoom, mêrkdje Margriet wi-j ze de vuuërduuër oeëpendje, det d’n hoond inne hal zoot. Margriet woor, as gevolg van wat bessezjenaeverkes, kinnelik neet hieëlemaol beej de lés tiêdes ‘t uutlaote van d’n hoond en haaj allein de reem uutgelaote.

Rewalt Tobben

ZULVER 2004

De Zulvere Lambieckwinnaar kieperdje, tiêdes de trökreis van zien verkânsie, benzien inne tênk in plaats van diesel. Det woor ‘t begîn van ´ne zaoterdig vôl missers en tieëgevallers. Zoeë mós de wage nao ´n garaasj waere gesleîptj, waat waal efkes op zich leet wachte. Einmaol dao aangekaome bleek, nao lang vuuër de garaasjduuër te hebbe gestânge, det de garaasj failliet woor. Âl mét âl doordje de trökreis eîne daâg langer as de bedoeling woor.

Jolanda Smit

BROONS 2004

Jolanda bracht eur spullekes nao de milieustraot. Det gebuuërdje net vuuër sloêtingstiêd. Daobeej létdje ze efkes neet op wi-j d´r e signaal kwoom det de hékke tow zoeëje gaon. En dao stóng Jolanda dan. Soonger mobieltje en nemes inne buurt te bekinne. Uuteindelik wis ze de aandacht vanne oeëverbure te trékke. Ongerhalf oor lang gebuuërdje d´r niks. Pas toen kwoom d’n opzichter, dae zich verbaasj aafvroog waat Jolanda nog op ‘t terrein deej want hae haaj toch écht alles gekontrolieërdj... en de knalroeëje wage mét aanhanger neet zeen staon...