Lambieck Aovendj
Super-Lambieck
De Super-Lambieck wurtj eîne kieër inne 11 jaor uutgereiktj vör de Super-Stom-Streêk
vanne vuuërgaondje 11 jaor. Uut alle Broonze, Zulvere en Gouwe Lambieckwinnaars wurtj
dieëze uutverkoeërene tiêdes de Jubileumaovendj vanne Lambieck Knoup gehuldigdj.
Óngertösse zeen d’r 3 Super Lambiecke uutgereiktj.
1979-1990 Hans Beesems
De winnaar uut 1987 ging d’r mét de Super-Lambieck vantösse. Waat woor ‘t gevâl?
De accu van ziene wage leep lieëg. Zoeëj det kunne ligke aanne verleechting inne kofferbak?
Det zoeëj kunne mer waat doje dan as dejje wiltj kontrolieëre of ‘t leecht inne kofferbak
aan blieftj as dae bak tów és? Waat vae uch mejgaeve és dejje dan vörâl neet ‘t vuuërbieëldj
mótj volge van brândweerkommandânt Hans Beesems. Hae spuuëldje ‘t klaor um zichzelf op
te sloête inne kofferbak van z’ne eîge wage tiêdes zoeë ’n controle.
1990-2001 Sjaak Winkelmolen
De twieëdje Super-Lambieck woort uutgereiktj aan Sjaak Winkelmolen, winnaar uut ‘t jaor 2000.
Sjaak maakdje zich namelik verdeenstelik as controleur tiêdes kienaovendje. As controleur vanne
nummerkes haaj hae ‘ne zendmicrofoon vör ‘t aaflaeze vanne kiengetalle. Sjaak vergoot echter
de zendmicrofoon uut te zétte wi-j hae tiêdes de pauze ‘ne sanitaire stop maakdje. Gevôlg
heejvan woor det de dames in ‘n drök bezochtj buurtcentrum Moêzel de verrichtinge van Sjaak
én zien eîge commentaar dao-op, rechstreeks via de luidspraekers koste vôlge.
2001-2012 Rianne de Graaf
Tiêdes oeës 3 x 11-jaorig jubileum mocht Rianne de Graaf de Super-Lambieck in ontvangst neme.
De winnares uut 2002 woor nao ‘ne middig wînkele al eur kleingêldj kwiêt geraaktj.
Ze haaj dus allein papeergêldj wi-j ze vuuër de betaalautomaat vanne parkieërgaraasj in
‘t Ursulinecomplex stóng. Mer geîne paniek want gae kuntj in dieës parkieërgaraasj ouch mét
pepeergêldj betale. Allein mojje dan neet e 5 kieër döbbelgevaoje bânkbiljet inne
sluuëf vör ‘t mûntgêldj dówwe...
