Lambieck Aovendj
Waat és de Lambieck Aovendj?
Oppe maondjig vuuër de vastelaovendj organizieërtj Stichting Lambieck Knoup Wieërt sinds
jaor en daâg de Lambieckaovendj in Buurthoês Moêzel (Christinelaan 25, Wieërt). Op dieëze
aovendj wurtj jaorliks de Gouwe, Zulvere en Broonze Lambieck uutgereiktj vör de ‘stomste
streke’ di-j ’t aafgeloupe jaor in Wieërt of Ni-jwieërt zeen uutgehaaldj.
Naeve dieës uutreiking, e spektakel op zich, stieët d’r nog mieër op ’t program:
De Stichting Lambieck-Knoup Wieërt reiktj eder jaor de Jan van de Croeën Ieëremedalie uut.
Dieës óngerscheî-jing és bedoeldj vör minse di-j zich belangeloos en oppe achtergroond inzétte
vör de Wieërter samelaeving en cultuur.
Wieter prebieëre vae eder jaor ’n Ieëre-Lambieck uut te reike vör ’n ‘stom streêk’ di-j
zich boete Wieërt, mer wul in ’t Limburgse lând (zoeëwaal Bêls as Nederlands Limburg) hieët aafgespuuëldj.
De aafsloêting op dieëze geweldjige aovendj wurtj eder jaor umliêsj mét ’n optreî-je van ’ne
bekindje artiest. Zoeë hebbe oonger ângere De Patronaatsknöppele, Big Benny, Thei & Marij, de Léste Aom,
Ed & Frans, John Coenen, de Saunaboys en Erwin van ’t Merretkoeër de aafgeloupe jaore van de Lambieckavond
e groeët fieëst gemaaktj.
Hejjae zin en tiêd um de Lambieckaovendj beej te woeëne? De entree és gratis en gae hooftj
uch neet te verkleî-je! Vae verwelkaome uch gaer oppe volgendje Lambieckaovendj!
